Di tantu nguli dizaforu

Gritu di raboita rabenta na odju’l skravizadus

Ma, sen po di pega nel, i xikotiadu pa mizeria

Distinu, e skiva fomi na fiu di kutelu-brabu…

Fartu di kumi njustisa na odju’l Kapiton ku Milisia

Dimingu Lopi, sen medu na boka

E simia koraji na petu’l foru i skravu-fujon

I nanse raboita di Julangi na kurason d’ilha Santiagu

Njuriadu, xefi Dimingu Lopi nforkadu

Sentensiadu pa djustisa kolonial

Pa morti matadu di kapiton Txiku Soaris

Ma, si spritu balenti kontinua bibu

I prindadu na bandera di gritu ndjustisa sosial...