Labanta, labanta bu konsensia

Di porta bu boka, rinka kel gritu

Ki silensiadu i pupa: irmandadi,

Djunta mo, djunta mo, djunta mo …

Na orta bu korason, planta d’irmandadi

I, nbrasa bus armon ki sta na beku

Stiladu ku bariga monhongidu na kosta

Na ngoda ronka’l fomi ku kuspinhu seku

Argi, argi, antis ki noti txiga n’odju’l lua

Bu rabati k’un bokadu’l “fonema”

Spritu’l berdianus ki teni vos magru

Sima bandera di fomi, fomi d’irmandadi.