Nau, bu ka kaskan
Bo e pura
Bo e speransa bo e kura
Bo e diliriu bo e sabura
Ka inporta di pundi ki bu ben
Nhôrdes da-bu don di bida pa nos ben
Mudjer
Bu ka txaskan
Nen bu ka limaria po djobedu pa rasa
Bo e ventri abensuadu ki jara talentu
Na bu petu bu kodji i bu abrasa
Dor, lágrimas i sofrimentu
Trokadu sorizu boka bu meninu
Bo e ser perduadu i aprefesuadu
Ki iduka fidju ku mestria, dja sta provadu
Mudjer
Bo e flor di lakakan
Nunka bu foi txaskan
Bo e txabeta ki muda mentalidadi
Ka inporta bu nasionalidadi
Merkana, Europeia o Afrikana
Bo e mai, bo e mudjer Kabuverdiana
Mudjer
Bu ka txaskan
Bo xarmi, bo e dosura
Bo e strela, bo e lokura
Bo e seduson, bo e ternura
Bo e prinsesa pa tudu trono
Flor mas bonito di nha otono
Bo e kazaku ki tadja frio di inverno
Bo e anju ki mara satanás na inferno
Mudjer
Bu ka txaskan
Bu ka bakan
Nen bu ka kankan
Bo e un ser spesial
Na kaza o na merkadu
Bu forsa ka ta inborkadu
Bo e kel ser isensial
Domestika o na parlamentu
Bu meresi respetu i kasamentu
OBRIGADO....