E nha grandeza
E nha rikeza
El e finkadu ku rais
Papiadu mesmu, lonji di nha pais
El e nha identidadi, nha liberdadi
Nha flisidadi, i nha fidelidadi
Nha lingua viaja na kada ondia
El e kantadu na morna
Badjadu na funana
Sopradu na tabanka
txabetadu na batuku
Kontadu na storia, di nos gentis grandi ki ten gloria
El e txoradu na partida
Maguadu na dispidida
El subrivivi na karta di sodadi
El ten speransa ku milagri
Lingua di konpozison di beleza
Lingua di brinkadera di nha mininensa
El e puezia di Eugenio Tavares
El e melodia ki ta toka aima
El e biku di sanpadjudu ku badiu
Lingua ki N prendi na ragas di mamai
Di kintai ti baxu-l poiai
Lingua d’amor, ki konkista korason
Lingua d’inspirason
El trabersa txeu orizonti
El diskubri mundu dia ku noti
Lingua di pasadu ki ten txeu futuru
Oh nha lingua kriolu
N ten orguliu di ser bu erderu
Oxi bo e majia na boka di fidju di otu tera
Puema bunitu ...bali kontinua
Tudu ki N kre e ruspetu, dja bu straga-m nha tardi en familia.
Inda tudu sufrimentu ki nhos da-nu duranti mas di 500 anu ka txiga? Nu sta na seklu 21.
Vou continuar a defender o que o meu O cabo verde.