N ta ba somada dia di fera
Ku nha balai di ramedi
Pa rabidansia di nha bida
N ta ba somada di ramedi
Tudu bes ki N bai
N ta leba Nha balai intxidu
N ta ben ku kurason kontenti
N ta ba Somada di bensu dóxi
Somada di gentis bunitu
Di mantenha kunpridu
Ki ta dura um mar di tempu
N ta ba nos pontu di inkontru
La, Nta bebi armunia na fonti
Nta laba dor di sodádi ken ki bai
Nta subi riba kutelu Somada
Pa N djobi fundu di Nos komesu
Pa N manda abrasus pa tudu mosinhus
