Prezu na gaiola,

Tinta na odju, lagua na petu,

Menti frakasadu,

Rostu maradu,

Korpu nua, bistidu di Frida

Infeitada di dias di sufrimentu

N kubri nha korpu di rosas,

N dizenha ku pinsel

Pa-N paga markas di soku,

I Di dedu na nha piskos fetu kolar.

N durmi na kama,

N Manxi na txon,

N sunha ku agu,

N nada na vinagri salgadu,

Amor maltrata-m na nha kaminhu.

Nha korpu bira terra brufa,

Bu piza-n mas ki un bès, Amor bira txuba di pedra,

Filisidade bira skada di spinhu,

Kubertu di vidru,

Mas nha vontadi di vivi e

Mas forti,

Oxi sol dja brilia,

Alegria i forsa ta disprinda di nha rostu feitu raios di sol,

Gargaliada txoman,

Ó dor, Ó Firimentu,

Ó tristeza Ó sufrimentu nhos fazi di simiterio nhos Lar,

N nansi pan vivi livri,

N nasi pa N ser Amada,

Nton Aman sen maltrata-m.